الربح من السمسرة و بالبيع بالعمولة

السلام عليكم
فى الموضوع السابق اتكلمنا على التجارة الالكترونية و ازاى نبيع منتج عندنا, فى الموضوع ده هنتكلم على كيفية التجارة الالكترونية فى حالة عدم وجود منتج.
الموضوع الثانى فى التجارة الالكترونية: ( البيع بالسمسرة او البيع بالعمولة )

البيع بالسمسرة:
افضل طريقة و مناسبة للمبتدئين او اللى مش عندهم مهارات التعامل او التسويق على الانترنت, ببساطة انا بسوق منتج مش بتاعى و لما حد يشتريه عن طريقى انا بأخذ نسبة من سعر المنتج.
الخطوات:
1) احدد اكتر سلعة عليها طلب.
2) اشوف احسن سعر ليها فى المحلات. 3) اعرض السلعة على النت بسعر اغلى شوية من احسن سعر ليها ( احسن سعر للسلعة + مكسبى + سعر الشحن ).
4) لو حد طلب السلعة بشتريها و بشحنها له.

كده انا حليت مشكلة عدم وجود المنتج, لكن فيه ملاحظات مهمة جدا علشان نتفادى
بعض الاخطاء:
مهم جدا الاتفاق مع صاحب المنتج على انك هتسوق له منتجاته, ليه مطلوب منك ده؟
1) علشان فى حالة الغاء العميل طلب المنتج متبقاش اشتريت المنتج على الفاضى.
2) هيديك فرصة انك تصور المنتج و بالتالى تقدر تسوق له بشكل افضل كما ذكرنا فى الموضوع الاول: " الربح من بيع المنتجات "
3) ممكن تتفق مع البائع انه يعمل لك خصومات و بالتالى عمولتك تزيد و تكسب اكتر.
4) وجود محل لبيع المنتجات يعطى المشترى الثقة اكتر و بالتالى لا يتردد بالشراء.
5) هيبقى عندك سهولة اكتر فى السؤال عن المنتجات الجديدة و احدث العروض.
6) مش هتبقى محتاج لرأس مال تشترى بيه المنتج.

# طبعا لازم نقرأ الموضوع الاول " الربح من بيع المنتجات " علشان نعرف ازاى هنسوق المنتج و طرق الشحن.

طب مفيش طريقة غير كده؟
لأ طبعا ذكرنا قبل كده ان الانترنت بحر واسع جدا, و فيه طرق كتير جدا منها:
مواقع التسويق بالعمولة:
صاحب المنتج بيدخل على موقع التسويق بالعمولة و يضع المنتج و سعره شامل نسبة عمولة للشخص اللى هيقدر يبيع منتجه و قد تصل هذه العمولة ل 70% من سعر المنتج.
لكن السؤال هنا لماذا يحتاج صاحب المنتج لي انا وغيري من المسوقين ؟
طب ما صاحب المنتج يسوق لمنتجه و يوفر ثمن العمولة, ممكن هذا لكن هناك العديد من اصحاب المنتجات من يفكرون باسلوب مختلف فبدلا من ان لا يشغل نفسه هو بعمليه التسويق يتركها لغيره ويخصص له نسبه من ثمن المنتج ويجب ان تكون هذه النسبه مغريه حتي تحفز المسوقين علي الحصول علي ذلك المنتج والبدء في تسويقه وهذا ما يفسر ارتفاع نسبه العموله التي تصل 70 في المائه من ثمن المنتج .
و كده هوه وفر عليه الوقت و الجهد و ركز فى تحسين جودة المنتج او القيام بإنتاج منتج جديد.

صورة توضيحية لعملية التسويق بالعمولة

الموقع بيوفر لك لينك لو اى شخص دخل على اللينك ده و اشترى المنتج انت بتاخد عمولة و العمولة ديه بتبقى موجودة فى بيانات المنتج.
فى البيانات ايضا بيبقى مكتوب نسبة  الاقبال على المنتج و مواصفاته, هنعرف منها ان كان المنتج ده عليه اقبال و لا لأ و كمان سعر العمولة اللى هكسبها لما يتباع.
المنتج:
ممكن يكون فى صورة سلعة رياضية او اجهزة او حتى اشتراك فى مواقع على الانترنت, كل حاجة ممكن تتخيلها و ده بيديك المساحة انك تلاقى المنتج المناسب للتسويق.

المواقع اللى بتوفر الخدمة ديه:
1) Click-bank :

* اشهر مواقع الافيليت على الاطلاق

2) Amazon :

 

3) Tradebit :

طبعا الطريقة ديه فعالة اكثر مع الاجانب لأن معظم المصريين و العرب لا يفضلون الدفع عن طريق الانترنت, و بالتالى التركيز على المشترى الاجنبى افضل بكثير.

كما ذكرنا فى الموضوع السابق محتاجين للتسويق مواقع التواصل الاجتماعى, او لو نملك موقع على النت ممكن نسوق عن طريق وضع الاعلانات عليه.
نرجى مراجعة كيفية التسويق فى موضوع التجارة الالكترونية " الربح من بيع المنتجات ".
 
للاستفسار يرجى التواصل, صفحتنا على الفيس بوك:
http://www.facebook.com/Arba7.cash.online